Во големата сала на основното училиште „Кирил Пејчиновиќ“ – Теарце јубилејно КУД „Кирил Пејчиновиќ“ – Теарце реализираше двочасовен новогодишен концерт со што ги заврши годинешните активности.
По неколку месечни подготовки на 70-те членови завршната манифестација на културното здружение од Теарце финишираше со спектакуларен концерт.
Учествo зедоa трите групи на културно уметничкото друштво со богат репертоар со ора и песни од повеќе етнички пределели на Македонија. Како кореографски постановки беа претставени „Жетварка“, „Драчевка“, „Раштак“, „Посеље“, „Водарки“, како и сценска адаптација од Долни Полог.
-Имавме одличен концерт со воодушевувачка изведба на нашите млади уметници од културно уметичкото друштво. Вљубениците во фолклорот и традицијата имаа можност да уживаат во трудот на младите кои со љубов ја негуваат и зачувуваат трдицијата и фолклорот. Овој концерт уште еднаш покажа дека младите од Полошко имаат желба и ентузијазам за едукција со фолклорот и традицијата, а ние имаме обврска да создадеме услови за продолжување на традицијата, фолклорот и љубовта на младите кон нашите корени“ – изјави Сашо Костадиновски – Уметнички раководител на КУД „Кирил Пејчиновиќ“ – Теарце.
Гости на концертот беа КУД „Извор“ Јегуновце и Зурли и тапани „Ќустек“ кои се претставија со свои изведби. Концертот се одржуваше според протоколите за заштита од Ковид 19.
ас