53 годишник и неговиот малолетен син се повредени откако во нив удрил возач на автомобил „голф“ по што го напуштил местото. Незгодата се случила вчера околу 12 часот и 15 минути на улицата „146“ во Тетово.
-Патничко моторно возило ,,голф 4“, управувано од непознато лице, кое по незгодата го напуштило местото, удрило во мотоцикл „баoтиан“, со скопски регистарски ознаки, управуван од Х.И.(53) од Тетово, на кој се превезувал и неговиот малолетен син. По незгодата двајцата се пренесени во тетовската клиничка болница каде на Х.И. му биле констатирани тешки телесни повреди, информираат денес од СВР Тетово.
За настанот бил известен јавен обвинител, а увид извршила увидна екипа од СВР Тетово.