Во Тетово годинава нема поставени новогодишни украси и празнично осветлување. Општина Тетово нема ни да организира дочек новата 2020 година на градскиот плоштад.
Тетовската градоначалничка Теута Арифи одговорајќи на новинарски прашања по резимето за 2019 година одговори само околу делот за новогодишниот дочек со оглед дека пред еден месец тие средства беа пренаменети.
-Немаме организиран дочек и како што гледате ги немаме ни украсите затоа што со одлука на Совет беше крај на годината кога одлучивме да помогнеме на оштината Драч поради земјотресот. Немавме други буџетски можности освен да ги пренасочиме тие средства така да мислам на сите ќе ни биде подобро со нашите дома, изјави Теута Арифи.
А.С