Тетовската градоначалничка Теута Арифи беше во посета на Тирана за да им изрази сочувство на тамошните власти поради жртвите од земјотресот што се случи во Албанија на 25 ноември, информираат денес од службата за односи со јавноста при општина Тетово. Вчера заедно со командирот на тетовската пожарна Ука Алити, ги посетиле градоначалниците од најпогодените од земјотресот во Албанија, на Тирана Ерион Велиај и градоначалникот на Драч, Валбона Сако.
-Во мое име и во име на граѓаните на Тетово, изразивме искрено сочувство до семејствата на жртвите од земјотресот и на сите оние кои ги загубија своите најблиски во трагедијата со која сочувствувам во солидарност и хуманост. Го известив градоначалникот на Драч дека општина Тетово сега им ги депонираше финансиските средства од 1.500.000 денари, кои беа одобрени на вонредниот седница на Советот на општина Тетово, одржана на 26.11.2019 година. Покрај тоа, општина Тетово успеа да собере околу 50 тони помош преку јавни повици до граѓани и деловни активности, кои исто така беа транспортирани во најпогодените области во Драч и Тумана, наведува градоначалничката Арифи во дописот.
Командирот Ука Алити детално информирал за акцијата за пребарување и спасување.
-Во таа акција тој и неговиот тим од Тетово служеа и дадоа огромен придонес 5 дена по ред за спасување и помош на сиромашните граѓани во општината Драч и околината. Би сакала да го истакнам фактот дека во најтешките денови за Тетово за време на поплавите во 2015 година, токму општина Тирана беше прва што братски подаде рака за помош и на солидарност, затоа сме благодарни и веруваме дека само преку човечка љубов и поддршка еден на друг другиот, можеме заеднички да останеме силни и да ги издржиме предизвиците со кои се соочуваме, и оние што не чекаат понатаму, истакнува Арифи.
