Полицајци вчера околу 22 часот во Камењане го лишиле од слобода Д.М.(42) постапувајќи по предходно пријава на 40 годишна жена од с.Боговиње дека врз нејзе е извршено семејно насилство од Д.М. со кој што живееле заедно. Имено, според пријавата околу 17.45 часот Д.М. кој бил во алкохолизирана состојба по претходна расправија физички ја нападнал пријавителката, информира МВР.
Од доктор во Клиничкиот центар Тетово на пријавителката и биле констатирани тешки телесни повреди. По целосно документирање на случајот против пријавениот ќе биде поднесен соодветен поднесок, информира денес Министерството за внатрешни работи.
