Амбасадорот на Франција во Македонија, Кристиан Тимоние од Универзитетот на Југоисточна Европа во Тетово порача дека има одлични услови и стипендии за учење француски јазик во неговата земја, а се прават обиди да има добри можности на македонските универзитети. На средба со раководството на УЈИЕ се разговарало за поинтензивна соработка околу студии по француски јазик.
-Бевме активни на почеток на создавање на Универзитетот и сега сакаме да се посветиме на УЈИЕ со нашите активности. Тоа е дел од стратегија на Франција за ангажирање во Балканот. Успеавме од 20 да достигнеме до 40 студенти што изучуваат француски јазик. Се студира француски исто времено на други студии, пример по право, и тоа е добро и за нас и за вас. Ние имаме студенти Македонци кои се мошне успешни во Франција па го поставувам прашањето зошто да немаме студенти Албанци кои ќе имаат успех исто така во Франција. Имам стипендии и други услови, зошто да не се користат. Гледаме дека има заинтересираност од надлежните во универзитетот, во рамки на програмата Еразмус,а пример за тоа е Универзитетот Лил,истакна Тимоние.
Тој пред студентите предаваше на тема: „Надворешната политика на Франција“
-Нашата цел е да стремиме кон тоа да креираме независна Европа која што ќе соработува со сите земји членки. Исто така со сите држави на целиот свет. Со цел што повеќе да се интегрираме и соработуваме, рече амбасадорот околу надворешната политика на Франција.
На новинарски прашања за почетокот на преговори на Македонија со ЕУ тој ги повтори ставовите.
-Отворањето на преговори за членство во ЕУ треба да е одраз на залсуги за да има успех и за вас и за Европа. Не е целта сам да се почнат преговори, туку сите точки да ги исполните, да ги реализирате и Македонија да почне преговори, рече Тимоние.
На УЈИЕ редовно се одржуваат предавања од страна на амбасадорите со оваа високообразовна институција има соработка. Минатиот месец предавање имаше американската амбасадорка.
А.С
