Тони Лазов од Неготино, со шаховска титула меѓународен мајстор е победник на „Отворен турнир во брз шах“ што викендов во Тетово го организираа здружението за култура „Визион М“ и шах клубот Анпасан. Второто место му припадна на Ендрит Уручи од Косово, додека трета позиција ја освои Филип Михов.
-Преку 110 натпреварувачи од Македонија и земјите од регионот се натпреваруваа преку швајцарски систем на натпреварување, во девет кола. Овој турнир ќе се одржува еднаш годишно и е регистриран во Меѓународната федерација и ќе биде оценет односно натпреварувачите ќе добијат поени за рејтинг. Целта беше да се зближат луѓето, за да се вклучат во добра и корисна работа и да се создаде волја за отворање други патишта на соработка, не само во рамките на Македонија, туку и во земјите од регионот, изјави Низамедин Имери од клубот Анпасан.
Победникот на турнирот Тони Лазов доби пехар и главна награда во износ од 10.000 денари.
А.С
