По повод Светскиот ден на срцето 29 септември вчера се одржа трибина со наслов „Здраво срце-предизвик на современиот свет“ на кое предавање одржа доктор Горан Манојлоски, интервентен кардиолог. Организатор на трибината беше Унијата на жени при ОК ВМРО ДПМНЕ од Тетово.
-Акутен инфаркт на миокрад е познато срцево заболување кај голем дел од населението. Зборувавме за терапевтски пристап, начин на делување и можностите кои ги нудат здравствените капацитети во нашиот град. Се осврнавме на повеќе детали од етиологија па до генеза, дијагноза, диференцијална дијагноза и начина ракција при појава на ова заболување кое е причинител на голем број смртни случаи, истакна тетовскиот кардиолог.
Најчести симптоми за инфаркт се градна болка, загуба на здив, болка која се јавува во средина на градите, болка која пропагира кон грлото, кон двете рамења, кон лактите, нагло губење на сила, тешко дишење, губење на свест, повраќање итн.
-Најбитно е веднаш да се реагира доколку се препознае дека се работи за срцево заболување, пациентот веднаш да се трансферира до најблиска болничка установа да прими соодветна помош. По дијагностицирањето на на заболувањето се одредува каков терапевтски пристап ќе се преземе дали ќе се прави коронарна интервенција односно доколку има потреба да се имплантира стент, доколку има потреба од итен бај-пас или доколку има потреба доколку налага ситуацијата да се оди на конзервативно лечење, рече Манојлоски.
Во моментот во Македонија се работи на регистар на кардиоваскуларни заболувања каде ќе има соодветни статистички податоци за тоа колку случаи на инфаркти се бележат кај населението.