Триото „Шербет“ настапува вечерва на отворено пред Центарот за култура „Иљо Антески-Смок“ во Тетово во рамки на фестивалот „Меридианс“ организиран од Здружение то за култура „Артал“. Концертот започнува во 20 часот.
-Ве каниме на концерт на отворено. Како дел од фестивалот “Меридианс” кои го организираат нашите пријатели од здружението “Артал”, ви подготвивме романтична вечер на тетовски староградски песни. На гости ќе ни свират Гоце Симоноски и Ненад Вукојичиќ. Ваше е да дојдете пред Центарот за Култура и да си понесете маска, пријател, роднина, симпатија и на безбедно растојание од него да уживате во нотите на тетовските љубовни приказни, поралучуваат од девојките од Шербет.
Во петокот во дворот позади Центарот за култура концерт во рамки на „Меридианс“ одржа солистите Дајана Малолари и Ровена Џелили, во придружба на пианистката Лаура Лила. Настаните се поддржани од Министерството за култура.
