Колективната изложба на фотографии насловена „Јас и 1000 зборови“ која требаше да биде организирана во националната установа „Уметничка Галерија“ Тетово од денеска е претставена на интернет. Од Галеријата информираат дека поради вонредната состојба со коронавирусот и неработењето на објектот избраните фотографии може да се погледнат на нивната страница на социјалната мрежа Фејсбук.
– Избрани се и може да се погледнат 31 фотографија. Повеќето автори ги претвораат традиционалните теми во прекрасен опис на различни фотографски простори, во кои доминираат геометриски линии на пејзажи. Имаме и спонтани слики кои функционираат слично на емоционалното искуство на самиот фотограф, кој со драматичните ефекти на светлината, ги прави видливи некои површини, а во други се впуштаме во неговиот аналитички проблем. Значи, фаќајќи ја величественоста на времето и просторот во единствена оптичка точка, фотографите успеваат да ги обединат во една трансцендентална целина содржината, формата и структурата, правејќи нѐ и нас сведоци, информираат од Галеријата.
Конкурсот беше отворен од 20 февруари до 2 март 2020 година. Темата на фотографиите беше слободна.
А.С
