Специјалистите по јавно здравје кои ја следат дебелината во научен труд утврдија дека за девет години од 33 на 37 е зголемен процентот на училишните деца кои се соочуваат со зголемена телесна тежина.
Тоа што е што утврден ваков пораст на дебелината кај децата, лекарите потенцираат дека е опасно по нивното здравје во иднина како возрасни луѓе. Ова е предзнак за здравствени ризици за појава на хронични болести.
-Тоа значи една корелација помеѓу дебелината кај децата и појава во подоцнежниот живот на кардиоваскуларни заболувања, хипертензија, замастување на црниот дроб, дијабет тип 2, остеопороза па и канцер, изјави д-р Ратко Давидовски од Центар за јавно здравје Тетово.
Професорот по физичка култура Перица Трпевски вели дека во изминатиот период од две години од пандемијата и онлајн наставата уште повеќе влијаеше за дебелеење кај учениците. Неговите редовни мерења кај учениците ја потврдуваат потребата од повеќе спортување.
Се гледа дека си има деформитети и според тоа си ја планирам план програмата да воведам корективно компензаторна гимнастика доколку е потребно кај децата. Ако не е потребно значи превентивно ја внесувам со локомоторниот апарат со целото тело да биде во фит состојба на самите деца, изјави професорот Перица Трпевски.
Наместо пред таблети и компјутери, учениците треба повеќе да имаа активна настава, а особено да биде интензивирано физичкото воспитание и култура.
– Мислам дека споредувајќи со западните земји, поголем акцент се става на физичкото образование и воспитание и практикување на спортот, неделно некаде и по два до три часа си имаат активен спорт во училиштата што би требало и тука да се примени, изјави професорот Перица Трпевски.
И лекарите и професорите се согласни дека спорт и физичката активност се секогаш потребни и важни за правилен раст и развој кај децата од училишна возраст.
