Ноќеска (10 март ) во 3 часот и 35 минути, Д.П.(21) од Тетово во СВР Тетово пријавил дека околу 1 часот во неговиот угостителски објект на улица „133“ во Тетово, физички бил нападнат од три лица, од кои две познавал од порано, кои биле под дејство на алкохол и во објектот искршиле дел од инвентарот, информира денес СВР Тетово.
Вчера (9 март) околу 11 часот и 30 минути, полициски службеници на СВР Тетово кои преземале мерки околу паркирањето на улица „Маршал Тито“ во Тетово го лишиле од слобода 33-годишниот Е.С. од тетовска Голема Речица, кој се однесувал агресивно кон нив, ги навредувал, а потоа и физички нападнал еден полициски службеник. Е.С. е задржан во Полициската станица Тетово за расчистување и документирање на случајот.
Вчера (9 март) околу 20 часот и 30 минути, во Полициското одделение Групчин се самопријавил сирискиот државјанин Н.Г.(26), кој илегално влегол во нашата земја од Република Албанија, откако претходно бил во Турција и Италија, а кој планирал да замине во Србија. По кусото задржување во Полициската станица Тетово, Н.Г. предаден е во Транзитниот центар Табановце, соопшти СВР Тетово.
А.С
