Жител на тетовско Слатино и неговата вереница од Пршовце, двајцата на 24 години, пријавиле во полиција дека по недоразбирање околу сообраќај биле нападнати. Настанот се случил вчера околу 17 часот на регионален пат село Радуша-Јегуновце.
-Настанала вербална расправија помеѓу А.Д.(24) од село Слатино со лице кое управувало патничко возило „сеат леоне“, со скопски регистарски ознаки, а набрзо пристигнало уште едно патничко возило „голф 6“, со германски национални ознаки, управувано од непознато лице. Човекот од возилото „голф“ физички го нападнал А.Д. и се обидел да ја нападне и неговата вереница А.М. (24) но бил спречен. Според пријавеното, напаѓачот се упатил до своето возило да земе оружје, но бил спречен од возачот на возилото „сеат леоне“. Се преземаат мерки за расчистување и документирање на случајот, информираат од СВР Тетово.
Во СВР Тетово синоќа во 22.20 часот во Полициска станица Тетово 31 годишник од Тетово пријавил дека околу 20:10 часот на улица „Љубо Божиновски-Пиш“ бил физички нападнат од три непознати лица, поради недоразбирање околу паркинг простор.
Од СВР Тетово и информација дека вчера во 19 часот и 20 минути било пријавено дека на регионален пат Тетово – Волковија, кај место викано Барник, влекач „даф“, со скопски регистарски ознаки, со полуприколка, управуван од Т.П.(58) од Скопје удрил во велосипед управуван од К.М.(39) од Гостивар. Во незгодата, со тешки телесни повреди се здобил велосипедистот, констатирани во Клиничкиот центар Тетово, каде што бил пренесен за укажување на лекарска помош. Извршен бил увид на местото на незгодата од увидна екипа од СВР Тетово.
А.С
