Сите заинтересирани граѓани може да учествуваат со свои сугестии, забелешки и коментари во рамки на проект на Центарот за развој на Полошкиот плански регион каде што главната цел е зајакнување на економскиот развој со зголемување на конкурентноста на регионот како туристичка дестинација со ефикасно прилагодување на барањата на домашниот и на странските пазари и придонесување во создавање на нови работни места.
Имајќи ги во предвид вонредните мерки на Владата, од Центарот информираат сите сугестии да се поднесат со пополнување на формулар и истиот да се испрати по електронски пат. Рокот е до 24 април, нa следните е-маил адреси: ljubomir.petkovski@lrcp.org.mk и/или info@rdcpolog.mk .
-Проектот за локална и регионална конкурентност“ и под-проект “Зајакнување на алтернативниот туризам во руралните подрачја на Полог” се: реконструкција на општински патишта Старо Село- планинарски дом Љуботен, Јегуновце-планинарски дом Цер, набавка и поставување на контејнери собирање на отпад на Попова Шапка, зајакнување на капацитетите на Јавното Комунално Претпријатие (ЈКП) „Тетово” со набавка на возила за собирање на отпад на Попова Шапка (камион, трактор, багер);регулирање на планинарската инфраструктура на Шар Планина, реконструкција на планинарски дом „Љуботен”, воспоставување на Регионален Систем за Менаџирање со информации од туризам и воспоставување на Ситуациски кризен центар со систем за набљудување и рано предупредување на Попова Шапка, наведуваат од Центарот за полошки плански развој.
Центарот во рамките на апликацијата, подготви План за управување со животната средина за проектот со цел навремено да се идентификуваат и оценат потенцијалните влијанија врз животната средина од проектните активности.
Планот содржи и мерки за спречување, минимизирање и ублажување на можните негативни влијанија од реализација на предвидените проектни активности.
Електронската верзија од Планот за управување со животна средина за проектот е достапна на веб страниците на проектната канцеларија: www.lrcp.mk, Агенцијата за промоција и поддршка на туризмот на РМ: www.tourismmacedonia.gov.mk Центарот за развој на Полошкиот плански регион: https://rdcpolog.mk/
А.С