Четврти ден по ред горат големи пожари на Шар Планина на четири места. Се уште не е изгаснат, најголемиот пожар кој е на потегот под Попова Шапка и над селото Лисец.
-Тука гасиме заедно со Дирекција за заштита и спасување од каде испратија два авиони канадари кои фрлаа вода од небо вчера, што сметам дека ние е потребно и денес повторно да дејствува. Станува збор за пожар со огнена линија од три километри . Горат дрвја смрека од кои има многу чад. Сметаме дека причина за пожарите е човечкиот фактор. Вториот пожар над Попова Шапка денес претпладне е локализиран и за таму сметам дека нема да има веќе проблеми, изјави Ука Алити од тетовската против пожарникарска единица.
И понатаму пожари на Шар Планина во шумите над Боговиње и Брезно кај месноста Вртиште.
-Се надевам дека и пониските температури кои се најауваат денови ќе бидат од помош бидејќи се забележува дека огнот се намалува, изјави Алити.
Во гаснењето на пожарите учествуваат и вработените во шумско стопанство „Лешница“ од Тетово.