Од среда 11 септември до недела 15 септември секоја вечер во Центарот за култура во Тетово ќе настапуваат џез музичари. Распоредот на изведувачи е следен :
Среда 11 септември од 20 часот „Таксим Трио“
Четврток 12 септември од 20 часот „Браќа Тавитијан“ и Рани Крија
Петок 13 септември од 20 часот Линда Рукај и Бенд
Сабота 14 септември од 20 часот Агрон Пени и Бенд
Недела 15 септември од 19 часот Нита Речи и Квинтет
Главните гости на фестивалот Таксим Трио се тројца музичари кои доаѓаат од Истанбул, Турција, место каде што Истокот се сретнува со Западот, па тие со оваа идеја креираат својата музика.Во нивното музичко наследство е вкоренета традиционалната турска музика, но Таксим Трио, инкорпорира и стилови како класичен и џез.
Втората вечер настапуваат браќата Тавитијан, едни од најпознатите музичари од Македонија со интернационална кариера заедно со Рани Круја музичар по потекло од Мароко. Рани Круја соработувал со Стинг, Питер Габриел, Принц, Ени Ленокс, Чик Кореа и многу други.
Линда Рукај гитаристка од Албанија, настапува третиод ден со музичари од цела Европа, додека гитаристот Агрон Пени од Косово со бендот на четвртата вечер. Фестивалот завршува со настапот на музичари од цела Македонија како квинтет заедно со вокалот Нита Речи од Струга.