Во рамки на Програмата за поддршка на воннаставни ученички активности за интеркултурно учење која е промовирана од фондацијата „Песталоци“ и е имплементирана преку Македонски Центар за Граѓанско образование, денес во општинското основно училиште„Гоце Делчев“ во Тетово се одржа креативна работилница под наслов „Годишни времиња“.
Во оваа работилница беа вклучени ученици од прво и второ одделение со одделенските наставници и дел од родителите. На работилницата беа изработени тематски паноа со апликации и 3Д дрво за годишните времиња.Во рамки на истиот проект претходеше уште една активност „Игровизија“ со учество на учениците во „Игри без граници“.
„Целта на овој проект е создавање на социјална кохезија меѓу учениците и креирање на инклузивно училиште во кое секој ученик ќе се развива согласно своите потенцијали и ќе се изгради во личност која ќе биде посебна и вредна и и ќе дава свој придонес во општеството, информираат од училиштето.
Во рамки на воннаставната активност „Четири годишни времиња“ досега се реализирани две средби со игри без граници и две ликовни работилници. Ќе следи уште приредба на тема „Годишни времиња“. Учесници се учениците од I-2, II-1 и II-3 одделенија со раководство на одделенските наставници Јелена Степановска, Весна Ваити и Соња Трифуновски, како и педагогот Зоран Јованоски.
