На тетовското подрачје се бележат 13 излечени лице од Ковид-19, а 4 нови заболени, информира денес Министерството за здравство. Со тоа севкупната бројка на заболени изнесува 90.
Од друга страна, според информацијата од кризниот штаб на општина Тетово брои вкупно 89 заболени од КОВИД-19 или по општина Тетово 39 (починати 2), Боговиње 29 (починати 2), Теарце 6, Брвеница 6 (починaто 1) Јегуновце 4 и Желино 5 заразени (починато 1 лице).
-На 04.05.2020 година во Тетово и општините денес се регистрирани 4 нови случаи со КОВИД-19. Досега се излечиле 42 лица, а 6 починале, информира Теута Арифи.
Според министерството за здравство до 3 мај 2020 на подрачјето на тетовско се извршени 358 тестови по епидемиолошка индикација (од кои 80 контролни брисеви) од страна на Центарот за јавно здравје Тетово, додека преку Мој Термин вкупно 132.
Кризниот штаб на општина Тетово информира дека во текот на изминатите три дена се врши достава на заштитни опрема до граѓаните, со најава дека ќе продолжи и наредните денови. Според градоначалничката Теута Арифи ќе бидат дистрибуирани 15 илјади пакувања со заштитни маски, нараквици и летоци со информации, како превентивна мерка за заштита од ширење на КОВИД19 на територијата на општина Тетово.
-Според планот на дистрибуција, започнато е со централните и приградските населби, а во наредните денови ќе бидат опфатени селата на општина Тетово. Ја користам оваа прилика да им се заблагодарам на вработените во општинската администрација како што е јавното претпријатие Градски паркинг за нивната активна вклученост и нивната работа во пакувањето и дистрибуирањето на овие пакети до домовите на граѓаните, истакна Арифи.
Од кризниот штаб потенцираат дека од СВР Тетово информирале дека за време на викендот што поминал во општина Тетово, биле дадени 48 писмени забелешки за не носење заштитни маски, а утврдени се вкупно 25 прекршувања на полицискиот час.
Во изолација по одлука на општина Тетово се вкупно 181 лице, во самоизолација 66, додека во државниот карантина на Попова Шапка има 117 лица.
Вкупната бројка на Ковид дијагностицирани во Македонија од почетокот на епидемијата изнесува 1.518 лица, бројката на оздравени пациенти е 992, на починати е 85, а во моментов бројот на активни случаи во земјата изнесува 441 лице.
