Од утре до четврток на Попова Шапка (12-16 јуни ) повторно ќе се одржи „Школата за српски јазик, култура и традиција“ во организација на Здружението на Срби и Македонци КУД „Бранко Чајка“ од Тетово. Ова е четврта по ред „манифестација чија е цел е употреба, учење , чување и негување на српскиот јазик и неговото кирилско писмо како и претставување на значајните имиња на српската култура и традиција.
-Школата ја посетуваат 20 ученика од Тетово и околината. Тоа се деца од мешани бракови, деца чии фамилии негуваат семејни и пријателски врски со соседна Србија и кои сакаат да го научат јазикот на нивните предци. Здружението, меѓу другите активности, работи и на полето на негувањето на српскиот јазик кај припадниците на српската заедница во Република Северна Македонија особено кај младата популација. Со тоа Здружението придонесува во зачувувањето на српскиот јазичен и културен идентитет на Србите кои живеат на овие простори, изјави Соња Андонов, претседателка на Здружението.
Оваа година Здружението на Срби и Македонци КУД „Бранко Чајка“ од Тетово го облежува својот 30 годишен јубилеј.