Планинарскиот клуб „Љуботен“ од Тетово успешно го организираше 65-тиот по ред Илинденски слет до месноста Лешница на Шар Планина на 2-ри август петок со еднодневна тура, како и четири дневно логорување од четврток до недела 1-ви до 4-ти август. За потребите на кампот и дневната тура на Лешница неколку дена претходно беа изработени и поставени маси и и клупи за престој, како и извршено чистење на локацијата од смет.
-Во кампот ноќеваа 30 планинари, а на 2-р август во рамки на Илинденскиот слет уште 40 луѓе дојдоа до Лешница. Од таму беа посетени Кадите на Кривошијска река со враќање кон Бозовце. Членовите на кампот во текот на 4-те дена направија повеќе планинарски тури до Кривошиски водопад, Титов врв, Караниколичко езеро и Скакаличко езеро, инфомира Јован Божиновски, претседател на ПК Љуботен.
Покрај домашните планинари на оваа тура и логорување престојувале планинари од Хрватска и Словенија.
