Советот на општина Тетово на денешната 28 седница изгласаа измена на правилникот за начинот и условите на паркирањето во Тетово. Ќе има зимско и летно работно време.
-Зонското паркирање во период од 1 Мај до 30 Септември ќе биде од 7 до 23 часот, а во сабота до 14. Во зимското работно време зонското паркирање ќе се одвива од 7 до 21 часот, а во сабота исто до 14. Во недела и празниците нема да се наплаќа и понатаму како и досега, изјави претседателот на Советот, Беким Мемети.
Советот на општина Тетово изгласа одлука со која оваа локална самоуправа ќе оддели средства од буџетот за рехабилитација на локален пат од село Сушица, Гостиварско до депонија Русино. За одлуката гласаа сите советници
-Општина Тетово како дел од Полошки плански регион во рамки на проектот за регионално управување со отпадот преку депонијата Русино има обврска заеднички со другите општини да го кофинансира проектот за рехабилитација на патот. Тетово одвојува 2.200.000 денари, додека од Бирото за регионален развој се предвидени 16.900.000 денари, изјави претседателот на Советот, Беким Мемети.
Советот донесе и одлука за утврдување на висината на надоместокот за поставување на реклами, натписи и користење јавни површини.
А. С