Полицајци ноќеска по полноќ привеле во полициска станица 44 годишник од Тетово кој од прозорец во станот пукал надвор. Тетовецот бил пијан.
-Околу полноќ, полициски службеници на СВР Тетово го лишиле од слобода Д.Ј.(44) од Тетово, кој од прозорец на стан на улица „Киро Ристевски-Дрнц“ во Тетово, во алкохолизирана состојба, со гасен пиштол пукал во непозната насока. До интервенцијата дошло по пријава на граѓани, информираат денес од СВР Тетово.
На Д.Ј. одземен му е пиштолот за вештачење, а тој бил задржан во Полициската станица Тетово за расчистување на случајот.
Денеска (25 декември) во 2 часот и 10 минути полициски службеници на СВР Тетово го лишиле од слобода Д.В.(21) од Шипковица, кој на 24 декември околу 23 часот и 45 минути во населбата „Шипковачко теќе“ со остар предмет му нанесол повреда на Ф.А.(21) од Тетово. Ф.А. се обратил за лекарска помош во тетовската клиничка болница, а потоа го пријавил случајот во Полициската станица Тетово.
А.С
