По повод денот посветен на Пренос на моштите на Свети Николај, Чудотворец Мирликиски (Свети Никола летен) митрополитот Тетовско-гостиварски г. Јосиф во храмот на Свети Никола во Тетово ги благослови кумските лебови, соопшти тетовско-гостиварската епархија.
Свети Никола како патрон го имаат и црквите во Жилче, Одри и Копанце.
Од житието на Свети Николај Чудотворец Мирликиски : Пренос на моштите. Во времето на царот Алексеј Комнен и на патријархот Никола Граматик, во 1087 година телото на овој светител беше пренесено од Мир Ликиски во градот Бари во Италија. Тоа се случи заради навалата на муслиманите на Ликија. Светителот му се јави во сон на некој чесен свештеник во Бари и му заповеда неговите мошти да се пренесат во тој град. Во она време градот Бари беше православен и под православен патријарх. При преносот на моштите на Светителот се случија многу чуда, како од допирот на моштите така и од мирото коешто изобилно се лееше од нив. На овој ден уште се споменува и чудото извршено над српскиот крал Стефан Дечански, т.е. како Свети Николај му го врати видот на слепиот крал Стефан.