Во текот на јуни ФК Тетекс се засили со 14 фудбалери-десет нови играчи и четворица повратници во клубот. Продолжени се договорите со седум веќе активни фудбалери, а од младинскиот погон во првиот тим се префрлени пет играчи.
Нови фудбалери се Ненад Тодороски од Осогово, Димитар Иванов, Флорент Османи, Јусуф Алиу од Беса, Александар Ангелковски од Гостивар, Антонио Мирков од Саса, Давид Маџунковски и Стојан Попоски од Кадино, Дарио Јовановски од Беласица, Далибор Костовски од Локомотива.
Старо-нови фудбалери во клубот се Михајло Јакимовски кој се враќа од Воска, Марко Спироски и Бојан Зафировски од Македонија ЃП и Арменд Адеми од Кадино.
Продолжени договори со Марко Ивановиќ, Стефан Стефановски, Агон Елмази, Виктор Јовановски, Никола Сарески, Борис Јакимовски, Дарко Дигаловски.
Од младински тим приклучени Стефан Богојевски, Даниел Николовски, Арлинд Алији и Бесмир Камбери и Мерван Имери.
-Посебно задоволство ни претставуваа денешното доаѓање на фудбалери кои потекнуваат од ФК Тетекс, а се повратници во нашиот клуб. Од првиот ден најавивме дрка тенденција ќе биде враќање и давање шанса на фудбалери кои потекнуваат од Тетово и тетовскиот регион. Им посакуваме на сите успешни настапи во претстојната сезона, информира Мирче Блажески, претседател на ФК Тетекс.
Во среда 6 јули ФК Тетекс ги започнува летните подготовки во Тетово. Од 22 јули ќе има летни подготовки во Струга пред почетокот на првенството на 13 август.
-Воедно закажани се и шетст контролни натпревари од 20 јули до 8 август со Работнички, Воска, Струга ТЉ, Караорман и Пелистер. Сите натпревари ќе се одиграат на гостински терен. Дополнително ќе биде утврден терминот за пријателскиот натпревар против Љуботен, информира Блажески.
Од летово по промена на раководството за шеф на стручен штаб е поставен Бојан Захариев, заедно со асистентите Даниел Радевски и Костадин Ацески, како и Миле Спироски тренер на голмани.