Движењето Анти Коцкање одржа прес конференција со цел да упати јавно обраќање до политичкиот естаблишемент пред гласањето на Законот за игри на среќа. Тие порачаа дека носителите на одлуки, да не паднат пред финансиски желби.
-Ситуацијата во која се наоѓаме е загрижувачка слика за државата и тенденција за влез во Европската унија.Ние јавно им се обраќаме на сите лидери на политичките партии, претседателот на парламентот, претседателот на државата, Комисијата за финансирање и буџет, на120-те пратеници кои ќе гласаат пред сè и најважно е да размислуваат за своите деца бидејќи и тие не можат да бидат имуни од овој вирус и е суштинско прашање за државата.Пред да гласаат да гледаат наоколу и да посетат семејство кое е жртва на коцкањето, веруваме дека солзите на бездомните семејства ќе бидат доволно да одлучат, солзите на нивните деца ќе бидат доволно за да одлучат дилокација на тие објекти,истакна Џемал Абдиу од Движењето.
Од Движењето Анти Коцкање реагираа на соопштението на Асоцијацијата на обложувалниците.
-Ние бараме нивна дислокација 3 км од населените места бидејќи тие се разурнувачи за иднината на земјата додека од асоцијацијата бараат поплавување со такви објекти каде нивните клиенти главно се деца и депресивни родители.Тие се преправаат дека се вознемирени за 7700 вработени со минимална плата од 16.000 денари искористувајќи ја тешката економска состојба, рече Абдиу.
Асоцијацијата на спортски обложувалници на Македонија (АСОМ) вчера преку соопштение до јавноста испрати предупредување дека со предлог измените на Закон за игрите на среќа и забавните игри кои се на дневен ред на 131-та собраниска седница, 7.700 луѓе преку ноќ остануваат без работа.
– Дали се подготвени да избришат една цела стопанска гранка која дава значаен придонес во државниот буџет и директно вработува 7.700 луѓе кои индиректно подржуваат 54.000 работни места во други стопански гранки? Дали се подготвени да ризикуваат да избришат една целосно регулирана индустрија и да создадат услови за нелегално обложување и сива економија?,
Измените на Законот се носат без соодветни претходни анализи на состојбата, социјални и финансиски импликации кои истите би ги предизвикале предупредува Васко Илијевски, претседател на АСОМ.
Асоцијацијата на спортски обложувалници констатира дека со ваквиот предлог закон ќе се предизвика правна несигурност на страната на субјектите на кои им е издадена лиценца со точно одреден рок на важење согласно Законот за игри на среќа.
– Ваквиот предлог Закон прави директен упад во издадените и веќе постоечки лиценци. Заради наметнатата обврска на усогласување кое не било предвидено во моментот на издавање на лиценците, со барање или поведување на постапки за нанесена материјална штета која ќе ја претрпат обложувалниците, може да се предизвика и директна материјална штета по буџетот во тековната или наредните фискални години, велат од АСОМ.
Во АСОМ членуваат петте најголеми спортски обложувалници: Моцарт, Спор Лајф, Златна Копачка, Евротип и Марбет.
А.С
