Од Движење Беса одржаа прес-конференција на Попова Шапка критикувајќи ја власта што досега не го пушта во употреба новиот шестосед. Од оваа партија обвинуваат дека тоа намерно се остава за пред избори.
-Единственото добро кое започна како инвестиција во ова место беше токму шестоседот кој како што изгледа ќе биде пуштен во употреба во пресрет на изборите бидејќи ДУИ и оваа Влада сакаат да злоупотребуваат и најмала можна инвестиција за манипулирање за гласови бидејќи последните денови изгледа се осветиле и знаат што го очекува на 12 април. За да лошото биде уште поголемо пред еден ден пред во вестите го слушнавме министерот за еконимија Крешник Бектеши кој се правдаше дека тој и неговото министерство ја завршила работата на време ама криво било министерството за транспорт и врски. Како што изгледа се договорале да ја одолговлекуваат работата за да истиот не се пушта во употреба се до пред избори за да можат да се фалат во предизборната камапња дека нешто направиле иако работите се одолговлекуваат за овој ски лифт веќе 6 години, истакна Сали Мустафа од Беса.
Тие критикуваат и за останатите нереализирани најави.
-Со години од општина Тетово и оваа Влада слушнваме како ќе граделе катна гаража за ова место, подобра инфраструктура, дека ќе инвестираат во викенд населбата но освен празни зборови повеќе ништо не е направено, а не се ни рекламираат на страниците на Владата како што се случува со Маврово. Движењето Беса бара од Владата да не манипулира со жителите и да граѓаните ова место, бидејќи тоа што самите го рекламираат-правдата и нив после 12 април ќе ги фати и ќе се соочат со овие злодела направени за Шапка, истакна Мустафа.
А.С
