Факултетот за бизнис и економија при Универзитетот на Југоисточна Европа одржа тркалезната маса со „Прогнозирање и мерки на ефектот на коронавирусот врз економијата“. Глигор Бишев, генерален директор на банка го истакна ефектот во банкарскиот сектор низ светот и во Македонија.
-Голем број на централни банки во светот и почнаа да размислуваат за полабава монетарна политика.Централната банка на САД ја намали каматната стапка а и Европската Централна Банка размислува на уфрлување на дополнителни средства како би се задржала ликвидноста на компаниите и голем број на земји размислуваат за директно кредитирање на претпријатијата. Во Италија станбените кредити на населението што ќе биде овие денови дома, ќе се репрограмираат во овој период. Вакви движења нема во Македонија, треба да се следат. Банскарскиот сектор е здрав, стабилен и високо ликвиден. Предност на Македонија што е мала економија, па компаниите и банките се пофлексибилни и се надеваме на краткорочни ефекти, рече Бишев.
Доколку тоа се продолжи и трае најверојанто ќе треба да има мерки од монетарната политика, мерки од фискалната политика и да се преземата подолгорочни мерки, смета тој. Од аспект на економските текови исто така се зависи од тоа колку време ќе траат некои вонредни состојби поради корона вирусот.
-Прво затоа што голем број луѓе кои се вработени нема да моќат да одат и да произведуваат и тоа ќе влиајае на страната на стоки и услуги ќе ја намали. Исто така голем број луѓе нема да трошат средства, исто така ќе влиаје и на страна на побарувачка . Доколу овие ефекти се од краток рок 30 до 60 дена тогаш светска економија од септември повторно би се вратила на патеката на раст пред влиајнието на корона вирусот. Меѓутоа доколку тоа е од подолгорочен карактер, а исто така и дојде во корелација со други фактори на економскиот раст и доколку има продолжено влијание, светската економија може да влезе и во подолгорочна рецесија, истакна Бишев.
Другите учесниците се задржаа на ефектите во однос на акциите и берзите, реалниот сектор, микроекономијата и слични области.
А.С
