– Хелсиншкиот комитет за човекови права заедно со Универзитетот на Југоисточна Европа организираа проекција на филм и дискусија по повод одбележување на Меѓународниот ден на човековите права. Беше прикажан документарниот филм „Соочување со змејот“ на авторката Седика Мохадиди од Авганистан, а по проекцијата, следеше дискусија со учество на професорката Беса Арифи, претседателката на Женскиот форум Тетово, Џане Крешова и колумнистката Аделина Марку како и студенти и други присутни.
-Фокусот на дискусија беше за жените во политика, каков влијание нивното ангажираање во полтитиката, со кои предизици и предрасуди се соочуваат, како се соочуваат со патријархалното општеството и слично. Беше направена паралела со примерите на жените од Авганистан, односно разликата во живот тука и таму во урбано и рурално опкружување, во политичките кругови и слично, истакна Тања Стоименовска од Хелсиншкиот комитет.
„Соочување со змејот“ е документарен филм со две протагонистки, новинарка и политичарка со нивните предизвици за живеењето и работењето во Авганистан. Фестивалот продолжува и во наредните денови, со проекции на документарни филмови во Штип, Битола и Скопје.
А.С