Тетовската секција на Јавното претријатие за одржување и заштита на магистрални и регионални патишта (Македонија пат) периодов извршува замена на делови од заштитната ограда како и расчитување на крупната вегетација и смет долж автопатот Скопје-Тетово-Гостивар. На потегот која е под надлежност на секцијата Тетово од Сарај до Жеровјане ќе се промени или санира жица од заштитната ограда во вкупна должина од 6000 метри.
– Досега имаме променето жица од оградата од вкупно 800 метри. Работата на промена или санација ќе продолжи во наредниот период како и во текот на летоти се додека не се постави преостанатиот дел. Голем дел од оградата е уништена или оштетена поради кражби и несовесни постапки на поединци кои правеле штета на оградата, како и поради сообраќајни несреќи, изјави Дејан Јовановски од тетовскат секција на јавното претријатие.
Паралелно со овие активности периодов се извршува чистење на крупната вегетација и сметот долж автопатот.
-Прво се расчистуваше вегетацијата делот Желино-Тетово, а сега и кон Гостивар. Се работи и на собирање на сметот. За жал за неколку дена повторно има смет бидејќи луѓето не се совесни и фрлаат смет од нивните возила, изјави Јовановски.
Во текот на годината тетовската секција на претријатието ќе учествува и во реконструктивни зафати. Ќе се работи на регионалните патишта Р1206 низ Боговиње, Р2234 потегот Јегуновце-Радуша, кај Орашје и Р1203 Тетово-Јажинце односно на потегот градски стадион-Порој во должина од 1300 метри, како и делумно проширување и асфалтирањена потегот Теарце-Доброште.
А.С
