Општинската организација на Демократска обнова на Македонија (ДОМ) од Советот на општина Тетово ќе бара во време на аерозагадувањето да не дозволува влез на возила надвор од градот,за истите да се обезбедат паркинзи и јавен превоз за луѓето. Идејата доаѓа од вчерашната седница на општинската организација која заедно со решението ќе биде доставено до локалната самоуправа.
-Со оглед дека наближува периодот кога концентрациите на отровен материи ќе бидат високи направивме анализа која ја предлагаме со цел да се намали аерозагадувањето. На тие 110 илјади квадрати на три парцели може оддеднаш да има 4500 паркинзи за возила, изјави Валентин Тасевски од ОО на ДОМ Тетово.
Тој потенциа дека јавниот атобуски превоз кој се најавува од општината мора да профунцкионира и за оваа идеја како и придонес во севкупно намалување на загадувањето.
-Јавен превоз е составен дел од решението. Со тоа една четвртина од проблемот ќе биде решен, бидејќи толку според анализите загадувањето доаѓа од сите возила. Вториот чинител греењето на дрва потежок за решавање и има социјално влијание. Затоа се предлага ова решение и општината полесно може да го изведе, вели Тасевски.
