Невладината организација Еко Герила со повик до Владата да прогласувањето на Шар Планина за национален парк да го стават на гласање во Сорбанието. Според нив завршена е постапката за валоризација на тимот на експерти кои дале позитивна оценка за постапката.
„Еко Герила постојано беше заинтересирана да го разбере напредокот на валоризацијата на вредностите на Шар Планина, документ што претставува основа за воведување на оваа територија во рамките на системот на заштитени подрачја, имено прогласување за Национален парк. Екипата на експертите даде препорака дека оваа територија треба да биде прогласена за Национален парк за да се заштитуваат флората и фауната, различните природни ресурси, вклучувајќи и различни минерали но и плановите за развој на секоја засегнатата општина под територијата на Шар Планина.Денес ја повикуваме владата да ја проследи одлуката на експертите да ја прогласат Шар Планина за Националниот парк, пред пратениците во Парламентот, со цел да се официјализира оваа одлукаж и да ги почитуваат оценките и заклучоците на експертите за внатрешното зонирање на паркот, истакна Аријанит Џафери од Еко Герила на денешната прес-конференција.
Организацијата посочува дека постојат страни кои сакаат да го спречат прогласувањето на Шара за национален парк.
„Според наши информации постои некаков облик на притисок од страна на интересните групи вклучени во изградбата на мали хидроцентрали субвенционирани од даночните обврзници кои бараат да го спречат прогласување на Шар Планина за Националниот парк додека не ги реализираат своите проекти и да ги уништат околината и реките на Шара. Овој вид на притисок или лобирање од страна на хидро-мафијата не треба да биде земен предвид од граѓаните и Владата, вели Џафери.
Прогласување на национален парк ќе значи давање предност на природната разноликост,велат од Еко Герила.
„Тие треба да дадат приоритет на заштитата на разни растителни и животински видови на планината Шара, заштитата на водните ресурси за жителите на подрачјата околу планината а исто така и заштитата на шумите од масовната сеча.Интересите на граѓаните и жителите на заштитеното подрачје треба да бидат приоритетни во однос на интересите на мафија на хидроцентралите која уништува природни ресурси со државни субвенции, односно со пари на граѓаните, рече Џафери.
А.С
