Шеесет и две годишник од тетовското село Шемшово при општина Јегуновце починал поради повредите кои ги здовил откако врз него паднало дрво. Настанот се случил вчера околу 16 часот во месноста „Гомуша“ близу селото Требош.
-При сечење на дрво со моторна пила, во присуство на уште две други лица од тетовските села Џепчиште и Шемшово, дрвото паднало над Ј.К.(62) од Шемшово, кој се здобил со тешки телесни повреди, од кои веднаш починал. Лекар од тетовската Брза помош констатирал смрт, информира денес СВР Тетово.
Увид извршиле екипа од СВР Тетово и јавен обвинител, по чија наредба безживотното тело е предадено на семејството за погреб.
А.С
