Иако неговите врсници најчесто го поминуваат слободното време играјќи игри на мобилен телефон, шестоодделенецот Исмаил Шасивари од тетовско Голема Речица сака да одвои неколку часа за пишување поезија и проза. Тоа успешно го прави и на мајчиниот албански и на македонски јазик, објави текст специјализираниот портал ДЕЦА.МК, на дописникот од Тетово, Александар Самарџиев
Предметните наставници по македонски и по албански јазик во тамошното училиште „Прпарими“, за четири месеци од првото полугодие откако првпат се сретнале со Исмаил, веднаш ја препознале неговата креативност и талент. На прашањето како успеа да го совлада толку добро македонскиот јазик за сега да го користи за поетско и прозно творење, Исмаил веднаш одговори дека обожава да ги гледа македонските народни приказни. Гледајќи ги тие приказни, го научил и јазикот и се запознал со многу работи за кои се раскажува во нив.
Целиот текст читајте го тука