Од денешниот состанок кризниот штаб за Тетово, градоначалничката Теута Арифи информираше дека бројот на заболени од КОВИД19 изнесува шест. Од шестте општини во тетовскиот регион само во две локални самоуправаи нема позитивен случај. Инаку, според досегашните информации на Министерството за здравство се регистрирани пет заболени со коронавирус.
-Бевме инфомирани од претставниците на здравствените институции дека имаме шест позитивни случаеви со коронавирус. Од тие тројца се со живеалиште во општина Тетово, еден во Боговиње, еден во Желино и еден во општина Јегуновце. Клиничка болница исто така инфомираше дека располага со 400 кревети и екипи за можни нови позитивни случаеви. Моментално во општина Тетово имаме 235 лица во самоизолација додека 64 лица се во карантин во хотелите во Попова Шапка, истакна Арифи.
Таа побара од банките да се најде начин за помалку метеж од луѓе пред нивните објекти.
-Апелираме до банките во градот да најдат модус за исплаќање на пензиите со цел да не се гужви од оваа група на граѓани кои се исто така најизложени на опасноста од овој вирус, рече Арифи.
Градоначалничката информираше дека комунални слулужби заедно со противпожарна единица направиле и извршиле дезинфекција на сите градски населби како и селата Порој, Џепчиште, Мала и Голема Речица и на Попова Шапка. Од денес преостанува дезинфекција на шарпланинските села, како и Сараќино и Фалише.
А.С