Министерот за внатрешни работи Наќе Чулев вечерва во Тетово беше во посета на полициските службеници се наоѓаат на неколку пунктови низ градот поставени поради за потребите да се контролира дали некој го прекршува полицискиот час. Тој со нив разговараше околу преземањето активности за контрола на спроведувањето на мерките за ограничување на движењето, донесени од страна на Владата.
-Сега, повеќе од било кога важно е да веруваме во полициските службеници, да ги поддржуваме и да соработуваме со нив, затоа што тие се луѓето кои имаат тешка и одговорна задача. Тие имаат обврска со активностите кои ги преземаат да дадат личен придонес и да застанат исправени пред обврската која им е доверена, а тоа е да ја заштитат целата нација од невидливиот непријател со кој се бори државата, но и целиот свет. Јас како министер за внатрешни работи убеден сум дека тоа го прават со сето свое срце, истакна министерот Наќе Чулев.
Тој ги посети полицајците распоредени кај Универзитетот во Тетово и кај градскиот плоштад.
А.С
