Два физички напади се пријавени во тетовската полиција. 23 годишник од тетовско Милетино и негов малолетен внук биле нападнати по судир на две возила на улица, „Илинденска“ во Тетово ноќеска околу 1 часот.
„Ф.А.(23) од тетовско Милетино во СВР Тетово пријавил дека движејќи се со неговото возило „бмв“ со странски регистарски ознаки најпрво бил удрен од друго возило „фолксфаген бора“ со тетовски ознаки, по што излегол од возилото за да види што се случило. Потоа групата физички ги нападнале Ф.А и неговиот малолетен внук исто така се наоѓал во возилото“, информираат од канцеларијата за односи со јавноста при СВР Тетово.
Вчера (23 декември) во 16 часот и 30 минути Р.Н.(47) од тетовско Теарце во СВР Тетово пријавил дека околу 12 часот и 45 минути неговиот малолетен син, во автобус со кој се превезувал кон Тетово, физички бил нападнат од 17-годишник од истото село. Се работи на расчистување на двата случаи, соопштија од СВР Тетово
