По повод 21 декември денот на наставата на турски јазик во Македонија пригодна манифестација се одржа во Центарот за култура „Иљо Антески Смок“ во Тетово. Во организација на основното училиште „Истикбал“ и општина Тетово беше приредена литературна вечер и културно-забавна програма.
-Учениците од оснобните училишта „Истикбал“ и „Братство–Миѓени“ од Тетово, „Кирил Пејчиновиќ од Теарце и средното медицинско „Никола Штејн“ се претставија со разни литературни изведби на рецитали, драмски чинови и слично на турски јазик. Во културно забавниот дел настапија Културно уметничкото друштво Акиф Јахја од Теарце и Трио Дарабука, изјави Џунејт Јахја од основното училиште „Истикбал“.
Основното училиште „Истикбал“ во Тетово е најбројното каде настава на турски јазик следат 200 ученици. Во прво одделение годинава се запишани 23 ученици. Околу 30 ученици на турски има во ОУ „Братство–Миѓени“.
21 декември се одбележува од 1944 година кога за прв пат започнала да се одвива настава на турски јазик во ОУ Тефејуз во Скопје.
А.С
