Полициските службеници на Секторот за внатрешни работи Тетово, изминатите шест месеци од оваа година во Тетовскиот регион вкупно откриле и соодветно санкционирале 9125 сообраќајни прекршоци, додека вкупниот број на контролирани возила во овој период изнесувал 27.717, соопштува СВР Тетово.
-Откриените сообраќајни прекршоци заокружени се со 4593 мандатни, 2679 прекршочни плaтни налози, како и со 1923 писмени опомени, а времено биле одземени 292 возачки и 315 сообраќајни дозволи, изјави Марјан Јосифоски, портпарол на СВР Тетово.
Применувајќи ги одредбите на Законот за безбедност на сообраќајот на патиштата и Законот за возила, а поради констатирани различни видови прекршоци, од сообраќај биле исклучени 494 возила. Најмногу од исклучените возила 355 имале истечена регистрација до и над 30 дена, кај 138 утврдена е техничка неисправност, претежно на сопирачките и уредите за управување, а кај 1 претовар.
Во првото шестмесечие, од сообраќај се исклучени и 1312 возачи, од кои 726 кои управувале без возачка дозвола, 64 со несоодветна категорија, 32 со важечка забрана и 372 возачи-почетници
