Започнаа градежни работи на поставување цевковод од филтер станицата до резервоарот со вода во населбата 146 над комплексот Арабати Баба Теќе во Тетово, информираат од општината.
Целта е подобрување на водоснабдувањето во оваа населба која се наоѓа на ридест предел.
-Работите за изградба на водоснабдување продолжуваат од филтер станицата во селото Лисец до населбата 146, со што конечно ќе се реши проблемот со водата за пиење за жителите. Должината на цевководот е 3056 метри, вредноста на инвестицијата е 6.412.084 денари, а работите се очекува да завршат за 90 дена, соопштија од Општина Тетово.
Во моментот дотокот на вода во водоснабдителниот систем на градот од изворите изнесува 300 литри вода во секунда.
А.С