Во тетовската полиција вчера било пријавено оштетување на автомобил од заскитан куршум. Сопственикот го паркирал возилото на прометна улица во Тетово, а кога се вратил по шест часа ја увидел штетата.
-Педесетгодишниот С.Б. од тетовското село Порој пријавил дека околу 9 часот го паркирал неговото патничко возило „Фолксфаген Голф“ со тетовски регистарски ознаки на улица „Јане Сандански“ во Тетово. Кога се вратил околу 15 часот забележал оштетување на предното ветробранско стакло и во внатрешноста на возилото од испукан проектил. Извршен е увид и се преземаат мерки за расчистување на случајот, инфомираат од СВР Тетово.
До оштетувњето доаѓа во период на зголемен број свадви во регионот на кои често се забележува пукање од огнено оружје. Секторот за внатрешни работи Тетово редовно апелира до граѓаните да не употребуваат огнено оружје на семејните веселби и свадби со оглед дека минатите години чести беа случаи на повредени лица и оштетени возила и друг имот.
Пукањето со огнено оружје е спротивно на Законот за прекршоците против јавниот ред и мир и дека глобата за ваков вид на прекршок се движи од 200 до 500 евра во денарска противвредност. За кривично дело „предизвикување општа опасност“ доколку има и последици е предвидена затворска казна од една до пет години.