Министерот за транспорт и врски Благој Бочварски по денешната средба со тетовската градоначалничка Теута Арифи, најави дека за неколку недели започнува долгоочекуваната реконструкција на две улици „Гоце Делчев“ и „Ѓоце Стојчески“. Информираше дека првиот тендер на проектот од Светска банка е веќе завршен и се потпишани договори со изведувачите.
-За улиците „Гоце Делчев“ и „Гоце Стојчевски“ во наредните неколку недели би започнала реализацијата. Пред тоа треба да се направат сите подготвителни чекори и мерки од страна на општината со цел усогласување, ускладување и продолжување со реконструкцијата на овие две улици. Се работи за две улици од коишто едната е 15 милиони денари, втората е 7 милиони денари вредност, рече Бочварски.
Бочварски за локалните патишта истакна дека е на располагање на сите градоначалници на сите општини, секој локален пат којшто е значаен да го достават во однос на програмата на Светска банка.
-Доколку се работи за регионален, магистрален пат тогаш таквиот патен правец треба да оди до Јавното претријатие за државни патишта за реализација во нивните програми. Нашата програма која што е преку Светска банка предвидува точно утврдени критериуми која општина колку средства ја следува согласно тоа тие треба да достават проекти коишто поминуваат низ два филтри и веднаш потоа влегуваат во реализаација. Парите се грант, одобрени од Светска банка ги враќа на крајот државата, а општините се крајни корисници, истакна Благој Бочварски.
