Интензивни активности и превентивни мерки се преземаат во тетовските училишта и градинки со цел да намали ризикот од сезонскиот грип и новиот корона вирус, информираат од Секторот за јавни дејности. Се користат соодветни средства за дезинфекција на училишните објекти.
-За време не викендот во училишните објекти вршиме генерално чистење и нивна дезинфекција. Освен овие мерки во соработка со здравствените организации во текот на работната недела започнавме и со соодветни предавања за учениците. Целта е да се информираат учениците како да се заштитат и да дејствуваат превентивно во насока на спречување на вирусните заболувања, а особено со корона вирусот, истакна Ахмед Ќазими, раководител на секторот.
Во рамки на општина Тетово функционираат шест средни и 12 основни училишта.
А.С
