Почитувани граѓани, почитувани претставници на медиуми,
Почитувани другари од раководството на Општинскиот Комитет на ВМРО-ДПМНЕ, ќе употребам еден народен израз: “Мувата Ви е на капата”. Цитирам ” Патот Тетово -Попова Шапка требаше да се асфалтира во должина од 18 километри, меѓутоа последниот километар од истиот остана неасфалтиран. Во чиј џеб заврши тој еден километар? Завршен цитат.
Другари од ВМРО ДПМНЕ минатата недела се асфалтираше последниот километар, и со тоа се заврши комплетната реконструкција на патот. Така што средствата наместо во нечиј џеб како шти велите Вие, завршија во интерес на граѓаните.
На патот од Тетово до Попова Шапка поставивме нов асфалт во должина од 18 километри и 200 метри. Прва реконструкција откако е изграден уште од времето на Тито, а имавте цела една декада. За Ваша информација, реконструкција беше целосна. Го чистивме патот по цела должина, ги саниравме дупките , презедовме безбедносни мерки, па дури на крај го поставивме асфалт над целиот коловоз.
Ширење на лажни вести, деградација и заплашување на младите, бесрамно лажење се Вашиот адут и навика, уште од времето на бегалецот Груевски, па се до времето на неговиот денешен гаваз Мицковски. Разбирливо! Ако го занемариме Вашиот криминал со автопатите во Вашето 10 годишно владеење имате направено само 7 км пат, па оттука не знаете како да ги изброите и измерите овие 18.200 метри.
Бидете достојни кон граѓаните на Тетово и Вашите симпатизери. Потполно е разбирлива Вашата паника, колку и да сакате да ја скриете вистината не можете. Во името на вистината: Владата предводена од СДСМ продолжува со реализација на дадените ветувања.
Овој е еден од основните и значајни патишта за нашата општина, бидејќи е единствениот пат кој директно поврзува со ски-центарот Попова Шапка. Со тоа се дава придонес и на развојот на туризмот затоа што Попова Шапка е еден од најстарите туристички центри на Балканот. И не е само патот, за да еден европски скијачки центар биде комплетен со негова инфраструктура веќе е поставен новиот шестосед, нешто за кое што Вие во Вашето децениско пљачкосување на нашата држава исто така немавте слух.
Градиме по план, инфраструктура за сите, ја приспособуваме целата урбана и рурална инфраструктура да биде во функција на потребите на граѓаните, па и на Вас драги другари од ОК ВМРО-ДПМНЕ Тетово.
Ве поканувам во недела на 6ти октомври во 10часот заеднички да ги извозиме новите 18.200 метри и другарски заедно со граѓаните и останатите политички субјекти, во една еко-акција ја исчистиме од смет оваа наша природна убавица со што би се приклучиле на современото европско живеење !