Жител на тетовско селото Теново денес доби мерка притвор откако вчера со запалка предизвикал пожар во куќа на негов роднина. Инцидентот се случил вчера околу 9 часот, во куќата сопственост на 57 годишник. Само по еден час полицајци го нашле и привеле осомничениот 45 годишник.
-Денеска судија во претходна постапка на Основниот суд Тетово на З.О. (45) од тетовско Теново му определил притвор во траење од 30 дена поради основано сомнение дека извршил кривично дело „предизвикување општа опасност“ казниво по член 288 став 1 од Кривичниот законик, по што е спроведен во Казнено-поправната установа Затвор “Скопје” во Скопје, информира СВР Тетово.
Осомничениот за кривичното дело со кршење на прозорецот од куќа успеал да влезе во објектот по што со запалка предизвикал пожар.
