Триесет и седумгодишна жителка на тетовско село вчера (19 февруари) во 9 часот и 40 минути пријавила злоупотреба на лични податоци на нејзината малолетна ќерка од, исто така, малолетно машко лице од Тетово. Според пријавеното, малолетникот, со кој се познавала од порано, објавил фотографии со експлицитна содржина на социјалните мрежи, кои таа му ги испратила. Се преземаат мерки за расчистување на случајот.
