Во основното училиште „Коста Рацин“ во Брвеница денес беше промовирана монографија “Училишна разгледница”, по повод 100-годишнината од основањето на оваа образовна установа. Историскиот развој во описменувањето на населението од трите населени места Долно Седларце, Брвеница и Фалише во ова училиште од 1919 година е забележан и напишан на 90 страници , вели авторот Бошко Богоевски.
„Најнапред е даден кус исторски развој на населбата Брвеница. Потоа се опфатени искористените материјали,архивска граѓа, библиотечни материјали, претежно од архивот во Тетово, од државниот архив во Скопје, училишна архивска документација, разговори со постари пензионирани колеги. Исто така со постари жители од трите населени места, вели Богоевски.
Во книгата се прикажани статистички податоци.
„Дадени се статистички податоци на првите учителите, дадени се статистички табеларни податоци од како училиштето се стекнало со право да биде 8 годишно односно од прво до 8 одделение се до денешниот ден до оваа учбена година. На табеларен приказ се испишани сите ученици затекнати на 100 годишнината кои посетуваат настава, наставници кои изведуваат настава, управата, техничкио персонал и сите присутни кои се наоѓаат во училиштето, истакна авторот Богоевски.
Оваа учебна година во ОУ Коста Рацин настава следат 493 ученици во централното училиште во Брвеница и подрачното во Долно Седларце.
А. С
