Жителите на Камењане одржаа протест денеска пред старата зграда на основното училиште „Сабедин Бајрами“ во знак на револт и несогласување со одлуката на општина Боговиње таму да се прави градинка, а паралелките од прво до петто одделение да се префрлат во зградата погоре во селото каде што учат од шесто до деветто одделение. Тие сметаат дека повеќе се прави штета на учениците со оваа одлука.
-Пренесувањето на учениците во друг објект ќе го попречи нормалниот развој на образовниот процес. Со ставање на сите ученици во едната зграда ќе се намали бројот на училници, ќе се оди во две смени и ќе нема простор за кабинети и слично, изјавија жителите на Камењане.
Од оштина Боговиње информираат дека во старата зграда каде што учат ученици од прво до петто одделение има услови за градинка и се издвоени средства за прилагодување.
-Имајќи предвид дека централната зграда на училиштето ги исполнува сите услови за добар образовен процес, побаравме од училишната администрација да се реорганизира и да воведе. Како резултат на оваа акција, старата училишна зграда на ОУ „Сабедин Бајрами“ останува празна и развиен е голем проект за адаптација за градинка со капацитет до 150 деца. Усвојувањето на овој проект е во вредност од 12 милиони денари, така што се занимаваме со сериозна капитална инвестиција каде нашите деца ќе имаат значително подобри услови отколку што имаат досега и со оваа инвестиција ќе се зголеми квалитетот на пружената нега, се вели во писмениот одговор на градоначалникот на Боговиње, Албион Џемаили.
Министерството за труд и социјална политика соопшти дека е надлежна на општината да определи локација за градинка и дека тие постапуваат по барањата на општините.