Минатиот и овој месец, заклучно со денес 4 февруари Секторот за внатрешни работи Тетово значително ги засили контролите на возачите кои не им даваат првенство, односно предност на пешаците.
Во овој период, на поширокото тетовско подрачје вкупно откриени и санкционирани се 120 возачи-прекршители, на кои им се изготвени соодветни поднесоци и кои ќе се соочат со парични глоби од 200 до 250 евра, зависно од видот и карактерот на прекршокот.
-Секторот за внатрешни работи Тетово уште еднаш апелира до возачите да се однесуваат максимално одговорно кон пешаците и другите учесници во сообраќајот, посебно во близина и на обележани пешачки премини, а пешаците да внимаваат кога и каде ги преминуваат улиците и како се движат на сообраќајници на кои нема обликувани тротоари и пешачки премини.Со тоа најнепосредно ќе придонесат за поголема безбедност на сите во сообраќајот, информира Марјан Јосифоски, портпарол на СВР Тетово.
