На тема инвестиции во едукативниот процес за предучилишна возраст одржа Дијана Војновска, член на Извршниот одбор на општинската организација на СДСМ од Тетово.
-Власта предводена од Социјал демократскиот сојуз продолжува со исполнување на ветеното. За нас зборот важи, а делата говорат. Инвестираме во нашата иднина. Инвестираме во квалитетен едукативен процес на децата од предучилишна возраст, преку изградба на соодветни објекти и вложување во воспитно-образовниот кадар. Општина Брвеница за првпат добива своја градинка. За изградба и опремување на новиот објект се издвоени над 26 милиони денари. Отвораме простор за 80 дечиња, инвестираме во раниот детски развој, рече Војновска.
Таа се осврна и на другите инвестиции во Тетово.
-Комплетно се реконструирани и реновирани два објекти на Општинската јавна установа за деца, детската градинка “Младост” Тетово, и тоа објектите на “Стара градинка” и градинката на “Поток”.
Овозможуваме соодветен, безбеден и удобен престој за најмалите. Со зголемувањето на платите на вработените во детските градинки за 21% односно над 3000 денари, покажуваме дека ја цениме и вреднуваме нивната посветеност на работата. Изготвен е и план проект и наскоро отпочнува изградба на уште еден нов објект за детска градинка во Тетово. Се грижиме подеднакво за сите, сакаме задоволни, рече Војновска.