Во тетовска Волковија на Сува Гора викендов се одржаа традиционалната манифестација „Волковски зимски средби“. Место на одржување е месноста Чука и црквата Свети Ѓорѓи.
-Луѓето од селото но и оние кои потекнуваат од ова место доаѓаат на заедничкото дружење и посета на родниот крај. Се организираа традиционално веќе четири децении, а го правиме на последната недела во јануари во пресрет на празникот Свети Атанасиј. Се прави заеднички ручек, а идејата е да се разговара за селото и она што може да се направи во годината што претстои, изјави Трпе Ценовски, претседател на црковниот одбор.
Голем број волковчани живеат во Тетово, Гостивар и Скопје. Селото Волковија е последното село во тетовскиот регион и се граничи со гостварското подрајче. Месноста Чука е вакувски рид кој се издига над селото, богат со висока дабова шума. Покрај црквата Свети Ѓорѓи, во селото ги има и црквите Свети Мина и Свети Атанасиј.
А.С
